颱風季節去旅行？應該注意啲乜！
「旅行先嚟打風，唔通連個天都唔鍾意我？」
過咗暑假長假期，終於進入旅遊淡季，機票酒店價格回落，相信唔少人都覺得係出發去旅行嘅好時機。但偏偏香港嘅颱風季節由五月到十一月，都有可能受到唔同程度嘅熱帶氣旋影響，好多朋友都會擔心旅行會遇著打風，驚Delay又驚冇得飛。
究竟颱風季節去旅行，應該注意啲乜呢？係咪去旅行撞正打風，酒店、機票、入場門票一定通通玩完？咁又未必，快快飛同大家分享以下幾個方法，就算唔好彩遇到颱風，都可以將捐失減到最低！
1、Book酒店時要留意取消條款
你有冇試過上網搵酒店......有人鐘意經酒店官網訂房，亦唔少人會經酒店預訂網(例如Hotels.com、Booking.com、Agoda等等)，但其實如果擔心天氣原因會更改行程，最好都係經酒店預訂網站book房，因為市面上嘅酒店預訂網站好多都有免費取消客房服務。當你發現未能夠喺原定嘅日子入住酒店，記得要即時申請取消酒店客房，咁就可以退返部分或者全部費用。相反，唔係間間酒店官網都接受退款，分分鐘收足你咁多晚錢㗎！
不過，唔同嘅酒店預訂網站或者唔同嘅目的地，取消酒店條款都未必一樣，預定嘅時候記得睇清楚取消條款啦！
2、Online Check In，可隨時接收最新資訊
以前有聽過朋友話錯過咗Check In時間，搞到冇得登機，但自從航空公司推出左網上預辦登機手續之後，就已經好少再聽到類似嘅抱怨。其實大部分航空公司都有唔同嘅網上預辦登機時間，一般由航班起飛前24小時至48小時，有啲公司仲可以提早14日預辦！
Online Check In除咗可以揀個靚位，減少喺機場嘅等待時間之外，仲可以確保你可以喺手機SMS或EMAIL收取到相關航班最新消息，就算香港掛緊8號風球，無論航班取消，定航班會如期起飛，都可以第一時間知道，咁就唔洗急急腳趕去機場啦！
3、航班不停Delay，要及時更改旅程
如果不幸遇上颱風，而航空公司因為颱風而通知當日航班取消，又或者航班狀況一直顯示Delay，除咗坐定定等之外，你亦可以考慮聯絡航空公司申請更改出發日期或者更改旅遊地點，飛去第個地點轉換心情。不過要留意返，唔同航空公司政策未必相同，記得打電話問清楚先好。
4、出發前往機場，交通工具要小心選擇
當發出咗颱風信號時，大部分交通工具都有影響，更有可能停駛，如果要去機場的話，記得要留意以下幾點：
●搭機場巴士記得預早少少
機場巴士一般係8號風球發出後，頭2小時維持服務，過左呢個時間就會停駛，記得時間要預早啲，颱風信號剛發出時，道路使用情況都會較為繁忙。
●乘搭機場快線避免塞車
趕去機場途中如果遇著塞車，心情真係跌到落一個點，而乘搭機場快線就可以避免出現呢個情況。根據港鐵網站資料，1至3號風球機場快線會如常運作，而8號風球就會視乎情況決處是否停駛，出發前留意返MTR mobile app嘅資訊就一清二楚。
●坐的士最穩陣
8號風球以及惡劣天氣下，公共交通工具會停駛或只會有限度提供服務，如果呢個情況下要趕去機場，都係忍痛call的士最穩陣。
5、提早購買旅遊保險，旅程有阻滯都唔洗怕！
想將損失減到最低，梗係唔少得購買旅遊保險啦！大部分旅遊保險都有對旅程延誤提供賠償，不過賠償金額都會有所不同。對比咁多間旅遊保險，喺旅程延誤、取消或更改行程方面，starr卓悅遊嘅性價比都係最高，宜家經快快飛購買仲有超值優惠！
STARR卓悅遊除咗保障因颱風或交通而引致嘅旅程延誤之外，更改行程、甚至係取消行程都有得賠，宜家經快快飛投保STARR卓悅遊旅遊保險即享7折優惠，投保非凡計劃5日保費都只係$81.9，出發前記得買！
保險計劃 | 5日保費 | 旅程延誤 | 取消旅程 | 更改行程 | |
 STARR | 非凡 | $81.9 | $1,500 (每6小時$300) | $25,000 | $4,000 |
尊貴 | $117.6 | $3,000 (每6小時$300) | $50,000 | $8,000 | |
蘇黎世 | 金計劃 | $235 | $1,500 (每6小時$300) | $40,000 | $10,000 |
AXA | 卓越優遊樂 | $160 | $2,000 (每6小時$250) | $25,000 | $5,000 |
MSIG | iTravel Plus計劃A | $364 | $3,500 (首6小時及其後每12小時$250) | $50,000 | $7,500 |
藍十字 | 智在遊-智選 | $170 | $900 (每6小時$300) | $10,000 | $10,000 |
豐隆 | 鑽石計劃 | $141 | $2,500 (每6小時$250) | $50,000 | 不適用 |
千奇唔好等到臨出發前先嚟買，因為如果你喺颱風形成後投保，保險公司就會拒絕有關索償。所以喺訂好機票酒店之後，記得買返份旅遊保險喇。
幾時投保先係黃金時間？Click入嚟話你知！
更多旅遊保險優惠資訊，記得留意快快飛！
熱門文章
【家居保險】想買家居保 有啲咩要注意？
投保家居保險，可為你嘅家居財物提供保障及個人責任保障，無論你係業主定租客，都可投保家居保險，咁就多一份保障啦！快快飛為你列出選購家居保險嘅注意事項，仲為你提供投保優惠，即刻睇吓！
熱門文章
【家居保險】想買家居保 有啲咩要注意？
投保家居保險，可為你嘅家居財物提供保障及個人責任保障，無論你係業主定租客，都可投保家居保險，咁就多一份保障啦！快快飛為你列出選購家居保險嘅注意事項，仲為你提供投保優惠，即刻睇吓！
旅遊保險7折推廣碼：「0BSL70F2」
Starr「卓悅遊」旅遊保購買網址：立即前往
美亞飛翔旅遊保障計劃8折推廣碼：「FFFLYP」
AIG「美亞飛翔旅遊保障計劃」購買網址：立即前往
家傭靈活保7折推廣碼：「FFFLYP」
AIG「家傭靈活保」家傭保購買網址：立即前往
家居保險7折推廣碼：「FFFLYP」
AIG「家居保險」購買網址：立即前往
-----------------------------------------
| 關於Starr
Starr Companies (or STARR) 是Starr International Company Inc. 及C.V. Starr & CO., Inc. 在世界範圍內的營銷品牌。於上世紀20年代，STARR分別在中國、香港、河內、胡志明市、雅加達、吉隆坡及菲律賓等地設立辦事處。STARR是國際領先的保險和投資機構，業務遍佈五大洲。
香港子公司Starr International Insurance (Asia) Limited是Starr International Company Inc. (Starr International) 轄下一所私人持有的跨國保險公司，在市場上提供高質及個性化的財產保險產品，也為客人提供風險管理、理賠管理、行政及再保險服務。並於2009年9月獲發一般保險業務牌照，並且自2010年2月獲A.M. Best評級機構評為“A”級。
本計劃是通過BIB鑄博誠品轉介投保，如有任何查詢，請致電BIB鑄博誠品熱線3976-6333 或登入www.bibhk.com
備註︰BIB鑄博誠品保險經紀有限公司為香港專業保險經紀協會會員，如投保人委託BIB鑄博誠品提供保險經紀服務,BIB鑄博誠品可收取及保留有關保險產品而衍生之轉介費。